نصيحة لو محبط وفقدت الآمل ومش قادر تكمل ده مثال حي من طلاب التطبيق .

هذه القصة نسرده بشكل مختلف أبو الزغاليل وزغلوله في عالم الإحباط : هدفنا الاول والاخير مساعدة الطلبة وتسهيل الطريق عليهم كل الطلبة إخواتي وولادي ونسعى لتطوير التطبيق بشكل أفضل لإظهار العلم وتلقيه بشكل مختلف على غير المعتاد وعلى غير المألوف بالتوفيق للجميع . معاكم : مطور التطبيق بشمهندس محمد جوهر .

زغلوله : بصراحه انا بقالى اسبوع مش بذاكر لانى تقربيبا اهلى مش عايزن انى اكمل

أبو الزغاليل : مش عايزينك تكملي تعليم نهائي ولا معادلة؟!

زغلوله : انا مخلصه معهد والحمد لله ربنا ماردش اكمل الكليه فصحابى رشحولى المعادله بس مفيش حد مشجعنى ليها لانها لو كانت من نصيبى كنت دخلتها بعد المعهد

أبو الزغاليل : محدش عارف نصيبه فين يا بشمهندسه والخير والخيرة دائما فيما إختاره الله

وأن ليس للإنساني إلا ماسعى

ف إسعي إنتي بس وتوكلي على الله وعسى القادم يكون خيراً بإذن الله

دي طبعاً يعتبر الفرصة الأخيرة ليكي ف إنتي إسعي وتوكلي على الله وقولي يارب

وان شاء الله خير

جربي مش هتخسري حاجه

بس يكفي شرف التجربه لحد آخر نفس

والمعافره وراء الحلم والهدف لأخر حاجه

ويبقى عملتي فعلا اللي عاليكي

وربنا ما بيضيعشي تعب حد

المعادلة أصبحت دلوقتي متوفره بشكل كويس جدا ليكي على الأبلكيشن شرح وحل وامتحانات وكتب

يعني تقريباً مش هتغرمي غير النت بس

ودا يعتبر فرصة لناس كتير

اعملي اللي عليكي واللي تقدري عليه وربنا هيكرمك بإذن الله

وأهلك ولدك وولدتك اول لما يشوف النتيجة في الآخر سعتها الآراء هتتغير واللي كان بيقول لأ هيقول آه

لإني الإحساس بفرحة النتيحة بيكون غير ومختلف وبتتغير الدنيا كله والحياة بتتغير بشكل مختلف

ف إنتي حاولي على اد ما تقدري تعملي اللي عليكي وتوكلي على الله

ولو هتقدري تتبعي على اليوتيوب مافيش مشكلة لو التطبيق مش شغال معاكي كويس علشان النت

لو احتاجتي اي حاجه أطلبي في أي وقت من تيم التطبيق إنتي أو أي حد

محدش طبعاً هيشجعك لحاجه زي كده نهائي أنا كان ليا صديقي بيذاكر للمعادلة من ورا أهله ولكن هو كان وضعوا مختلف وقصته كانت مختلفه وربنا كرمه ونجح وخلص....... ومحدش عارف الخير فين ولا نصيبه فين..... الانسان عليه السعى والنتيجة دي بتاعت ربنا ❤️

زغلوله : انا مش عارفه اقولك ايه بجد شكرا على التشجيع ده بجد اهلى ساعدونى كتير فى السينين الللى فاتت سواء كان دعم مادى او معنوى لغايه مابقيت كده فهكون بجحه لو طلبت منهم ارجع امش ورا حلمى اللى مش عارفه إذا كان هيتتحقق ولا لا

أبو الزغاليل : العفو يا بشمهندسه على ايه مافيش حاجه بس انا قولت حاولي اونلاين بس ومش هتخسري حاجه ولا هما برضو وعلى العموم خير ان شاء الله واللي فيه الخير ربنا يقدمه

المعادلة في ناس كتير جدا عملوها من غير اي مادية متابعة يوتيوب وبس ووصلوا وفي ناس بروضوا عملوها بفلوس وحضروا في سناتر وما وصلوش في الاول والاخر دا توفيق ربنا وبالاصرار والعزيمة يصل الانسان لأعلى الرتب

زغلوله : عندك حق ماما قالتلى كده ومصدقتهاش

أبو الزغاليل : ماتشيليش هم حاجه لسه ماجتش الأرزاق دي بدي الله مش بإدينا يعني سيبها لوقتها وكل حاجه بتيجي برزقها ما تستعجليش الاحداث سيبيها على الله وهتفرج بإذن الله .

هنا البشمهندسه أفاقت من الإحباط وبدأت تفكر من أجل مساعدة الطلبة : هندسه كنت عايزه اضيف اقتراح للتطوير التطبيق علشان نفرق بين السناتر والابلكشن فرق مش كبير بس نقدر نتفوق عليه

بالمختصر نضيف المتابعه المستمره مع المستخدم +الواجبات بتاعه كل فديو

مطور التطبيق بشمهندس محمد جوهر : جميل فكرنا في كده طبعاً بالإضافة كمان للبث المباشر للمحاضرات الزيادة والحل ولكن للآسف الموضوع صعب علشان مش كل الناس هتحب تساعد للغير ببلاش والمتابعة للواجبات وتصحيحه بالإضافة للتقيم المباشر بالإضافة للإمتحانات كل محاضرة ومتابعة كل يوم ولكن للأسف الكلام ده صعب يتم لإنه هيكلف فلوس علشان يطلع بالشكل المظبوط وتتفوق على السناتر كلها وتكون نمبر وان.... نسأل من الله التساهيل والفرج... أصعب شيئ في توفير الشيئ المجاني للناس الإستمرار عليه للأخر... ولكن هنستمر بإذن الله ♥️