كل المعلومات عن " معادلة كلية الهندسة " ؟ - الجزء الاول
محتويات المقال
كل المعلومات عن " معادلة كلية الهندسة " ؟ - الجزء الاول
ايه هي المعادلة ؟ و ازاي ادخل هندسة من دبلوم ؟ وازاي اقدم عليها اونلاين ؟ ما هي الشروط للامتحان المعادلة ؟
موضوع مهم اوي لكل طلبة الدبلومات الصناعي نظام ثلاث سنوات ودبلومات نظام الخمس سنوات و كمان المعاهد الفنية الصناعية او الجامعه العماليه شعبة تكنولوجيا والمعهد الفني الصحي (شعبة اجهزة طبية) ، وطلاب مدارس مبارك كول والتلمذه الصناعية .... الخ
الكلام دة اسمة معادلة كلية الهندسة عشان ندخل كلية الهندسه ، حد هيكلمنا علي معادلة الهندسة ، الجميع يريد معرفة شروط معادلة كلية الهندسة والمواد اللي هندرسها المعادلة عباره عن اقامة مسابقة بتتعمل في كل سنه فى كلية الهندسة جامعة القاهره ويكون بالاتفاق مع المجلس الاعلي للجامعات الهدف منها هو توفير فرصة لطلاب المدارس والمعاهد بشروط معينة في الالتحاق بكليات الهندسة الحكومية .
والشروط هي كالآتي :
- :طلاب الدبلوم الثلاث سنوات يكون حاصل علي مجموع 70% (عملي + نظري)
- :طلاب الدبلومات الخمس سنين يكون ( ناجح )
- :طلاب المعاهد الفنية الصناعية
- :طلاب الجامعه العماليه شعبة تكنولوجيا
- :طلاب المعهد الفني الصحي (شعبة اجهزة طبية )
ملحوظة مهمة :
اللي ناوي يقدم الامتحان المعادلة لازم يكون حاصل علي الشهادة خلال سنتين تحسب من سنة التخرج للمعاهد السنتين أو المدارس الفنية الصناعية خمس سنين أو ثلاث سنوات .
شاهد أيضًا
ملحوظة عايزك تكون فاكرها يا صديقي :
ملحوظة : اللي ينجح في كل المواد ولو بتقدير 50% في كل مادة يدخل كلية الهندسة مباشرة والتابعة لأقرب مكان لسكنه طبقاً للبطاقة أو النطاق الجغرافي .
- وايه الاماكن اللي ممكن ندرس فيها المعادله او حتي المسابقه لمعادلة كلية الهندسة عباره عن ايه وان شاء الله هجاوب علي كل نقطه وكل استفسار وكل سؤال فى هذا الموضوع عشان يكون مرجع للجميع وإن شاء الله بالتوفيق لينا وليكم
ما هو منهج معادلة كلية الهندسة ؟
- جدول امتحانات للمسابقة المركزية والموحدة
مواد امتحانات المسابقة المركزية | مواد امتحانات المسابقة الموحدة |
اللغة الانجليزية | اللغة الانجليزية |
ميكانيكا | ميكانيكا |
الفيزياء | الفيزياء |
رياضة (1) (جبر وهندسة فراغية) | رياضة (1) (جبر وهندسة فراغية) |
رياضة (2) (التفاضل والتكامل) | رياضة (2) (التفاضل والتكامل) |
الكيمياء | الكيمياء |
- 1_ مادة انجليزي وبيكون عبارة عن منهج ثانوي عام وانجليزي جنرال وحبة قواعد بسيطة وبيكون امتحان سهل ودي بتبقى أول مادة بتمتحن فيها .
- 2_ مادة الميكانيكا ودي عبارة عن فرعين (استاتيكا وديناميكا) ودي برضو منهج الثانوية العامة ودي بتبقى ثاني مادة بتمتحن فيها .
- 3_ مادة الفيزياء ودي بقي عبارة عن فرعي كلاسيكية وحديثة منهج الثانوية العامة ودي بتبقى ثالث مادة بتمتحن فيها .
- 4_ مادة رياضة عامة ودي بقي عبارة عن فرعي الجبروالهندسة الفراغية ودي بتبقى رابع مادة بتمتحن فيها .
- 5_ مادة الرياضة الخاصة ودي بقي عبارة عن فرعي التفاضل والتكامل ودي بتبقى خامس مادة بتمتحن فيها .
- 6_ مادة الكيمياء ودي بقي عبارة عن فرعي الغير عضوية و العضوية ودي بتبقى سادس مادة بتمتحن فيها .
درجة النجاح لو نجحت فى جميع مواد معادلة كلية الهندسة بمجموع 50% هتقدر تدخل كليه الهندسه وتكون مهندس ان شاء الله ، المعادله بتكون كل سنه عقب انتهاء ظهور نتائج الدبلومات والمعاهد ، يارب اكون فيدكوا يا شباب واي استفسار اسالوا ، وفيه جزء تاني بتكلم في عن كيفية التقديم الي المعادلة بالتفصيل ، ممكن كمان تتابعو المواقع بتاعنا موقع التعليم الفني ..
أترك آثر طيب ❤️🪶😊✌️يسعدني بأن تترك بصمة وأثراً طيباً بكلامك الجميل الطيب أو يمكنك ترك إستفساراً يا صديقي .