بعد اول يوم اختبارات معادلة 2022

بعد أول يوم اختبارات معادلة 2022

تعالي نشوف المحصلة

1- فيه ناس بدأت فعليا تكمل اللي ناقصها وواخدين الموضوع بجد

بيحل الامتحان وبيركز في الحل بتاع المهندسين وعارف هو جاي ليه

الناس دي هيا اللي بتنجح

عايزكم تدوروا عليهم في الحصص وتقربوا منهم وتتعلموا تبقوا زيهم

2- فيه ناس اتخضت من مستوي النموذج وحسيت بصعوبه

وبدأت تحس انها ضعيفه في المواد اللي كانت فاكرة نفسها فيها قويه

وبدأت تحس بالضعف

رسالتي ليك يا باشمهندس

إن النماذج دي انا عاملهالك

ومسميها نماذج تجريبية

علشان حضرتك تفوق من دلوقتي

قبل الامتحان النهائي

واللي بنسبة كبيرة

شبه النماذج دي بالظبط

ومش بيخرج منها بإذن الله

فعايز حضرتك تهدي وتركز

وتبتدي تضمن جزء من الأسئلة اللي واقع منك لغاية ما واحدة واحدة

نضمن اغلب الامتحان ونعدي الفترة دي بخير

وحضرتك هتلم اللي واقع منك بنفس الأسلوب اللي هقوله اخر البوست

في النقطة رقم 4

3- النوع الأخير

وده الطالب اللي حاسس أنه ابيض في المواد أو بالفعل هو ابيض

اي طالب حل في النموذج الاول جبر وفراغية أقل من 10نقط

فانتا فعلا ابيض

ونصيحتي ليك

احضر الامتحان كل مرة وأحضر حله وركز كل مرة انك تلم عشر أسئلة من اللي واقع منك

هتلمها ازاي

ركز في النقطة رقم 4

4- دي النقطة الأخيرة واللي حضرتك

هتلم فيها الأجزاء اللي واقعه منك

بص يا هندسه.

اي جزئية واقعه منك ونويت تلمها ولو باب مثلا في أي فرع

لازم تديله وقته اولا

بعد كده عايز حضرتك تعمل حاجتين

تسمع فيديو الشرح بتاعه وتحل الأمثلة اللي فيه وتسمع فيديو المراجعه النهائيه وتلم الأسئلة اللي فيه وتبتدي تطبق علي ده كله من امتحانات شاملة زي النماذج التجريبية اللي بتاخدها معانا اونلاين او سنتر

وعلشان توصل لاي حاجة بسهولة

نزل تطبيق معادلة هندسة بدون روت 2050